Қазан айының 10 жұлдызында «Ұлытау облысының Денсаулық сақтау басқармасы, Қарағанды медицина университеті» КеАҚ, «Қазақстандық хирургтар қоғамы» республикалық қоғамдық бірлестігінің ұйымдастыруымен медицина ғылымдарының кандидаты, КСРО Денсаулық сақтау ісінің үздігі, ҚР Еңбек сіңірген дәрігері, “Еңбек ардагері” төсбелгісінің иегері, Жезқазған қаласының Құрметті азаматы Мұқанов Өмірбек Мұқанұлын еске алуға арналған «Ұлытау — ғылым, білім және тәжірибе шыңы» атты республикалық ғылыми-практикалық конференция бастау алды.
Осы конференция аясында Ұлытау облысының тарихи-археологиялық музей ұжымы денсаулық сақтау ардагері Өмірбек Мұқанұлына арналған көрме ұйымдастырды.
Көрмеге еңбек ардагерінің жеке өмірбаяны мен еңбек жолы, халық жадында қалған ерекше естеліктері, отбасы, ізін жалғаған ұрпақтары, ізгілікке толы ғұмыры баяндалды. Сонымен қатар жеке заттары, марапаттары, кітаптары экспонат ретінде көрермен назарына ұсынылды.
