Ұлытау өңірінен табылған археологиялық қыш бұйымдар түрлерін жас өлкетанушыларға таныстыру үшін олардың тарихы, даму барысы, сипаттамасын, дайындалу жолдарын насихаттауды жөн көріп, “Қыш ыдыстағы өрнектер” атты музейлік сабақ өтті.
Мақсатымыз – қыш бұйымдардың тарихи дерек ретіндегі маңызы жөніндегі ақпараттарды оқушыларға жеткізу, мәдени мұрамызды сақтауға деген көзқарасты қалыптастыру.
Музей қорындағы қыш ыдыстар коллекциясы таныстырылды. Өрнектердің мотивтері, символдық мағыналарының құпиясы, жеке элементтер туралы айтылды.
Ұлытау облысының көлемінде табылған қыш ыдыстардың басқа өңірлерден айырмашылығы кендерді байыту, балқыту, сондай-ақ металл өндірумен байланысты екендігіне назар аударылды.
Талдысай, Балқан елді мекенінің ежелгі металлургтерінің қолданған қыш ыдыстарының ерекшелігі, қышты дайындау технологиясы, құрамы, қолдану мақсаттарына мән берілді. Оқушылар пазл құрастыру, сұрақтарға жауап беру арқылы алған білімдерін тиянақтады.
Музейлік сабаққа «Абай» атындағы мамандандырылған мектеп-интернаты КММ жатақханасының 7-8 сынып оқушылары мен тәрбиеші Алиманова Гүлмира Дүйсенбекқызы қатысты.
